அலைகளால் உருவான அதிசயக் குகை..! (படங்கள் இணைப்பு)

இயற்கையின் அரிய சில செயற்பாடுகள் மனித நடத்தை மற்றும் உலக அமைப்பில் பல தாக்கங்களை ஏற்படுத்துகின்றன.
அதேபோல் தான் பூமியின் வடிவமைப்பில் ஏற்படும் மாற்றங்கள் விஞ்ஞானிகளாலும் புவியலாளர்களாலும் நோக்கத் தக்கவையாக அமைகின்றன.
எனினும் புவி மேற்பரப்பில் நிகழும் ரசிக்கத்தக்க மாற்றங்கள் சாதாரண மனிதனையும் திரும்பி பார்க்க வைக்கின்றன.
அவ்வாறான ஒரு மாற்றம் தான் இங்கும் நிகழ்ந்திருக்கிறது. மில்லியன் கணக்கான வருடங்களாக ஏற்பட்ட அலைஅரிப்புகளால் அதிசய உலகங்கள் படைக்கப்பட்டிருக்கின்றன.
இதனால் 70மீ. ஆழமான குகைகள்கூட ஏற்படுத்தப்பட்டுள்ளன. இதில் Belize நாட்டின் Great Blue Hole என்ற குகைக்குள் 407அடி ஆழத்திற்குள்கூட சுழியோடிகளால் போகமுடியும்.
                                            Belize இன் Great Blue Hole குகை. புகழ்பெற்ற ஸ்கியூபா சுழியோடலிற்கான இடம்.!

                                                                              கலிபோர்னியாவிலுள்ள நீரடிக் குகை

                                                     விஸ்கொன்சின் சுப்பீரியர் ஏரியிலுள்ள Apostle Islands பனிக்குகை.

             சாடினியாவிலுள்ள Belvedere குகை – இந்தக் குகையினை கடல் தெய்வமான நெப்ரியூனின் வீடெனக் கூறுகின்றனர்.

Oregon பகுதியிலுள்ள Sea Lion Cave என்ற குகை உலகின் நீரடிக் குகைகளில் மிகவும் பெரியதாகும். இங்கு கடற்சிங்கங்கள் உட்பட பலதரப்பட்ட உயிர்கள் வாழ்கின்றன.

                                       அயர்லாந்திலுள்ள Giant’s Causeway. இதுவும் ஸ்கொட்லாந்தை ஒத்தவடிவக் குகைதான்.

                                                                               ஸ்கொட்லாந்திலுள்ள Fingal குகை.

ஆண் வர்க்கத்தில் கர்ப்பம் தரித்து குழந்தை பெறும் ஒரே உயிரினம்..!!(காணொளி இணைப்பு)

கண்களை எந்தப் பக்கமும் திருப்புதல், குதித்து குதித்து ஓடும் ஒருவகை மீன் இனம், குதிரை போன்ற முக அமைப்பு, குரங்கு போன்ற வால், ஆண் இனங்கள் இனப்பெருக்கம் செய்தல் இப்படியாக பல்வேறு சிறப்புகளையுடைய அரியவகை கடல்வாழ் உயிரினமான கடல் குதிரைகள் பல்வேறு காரணங்களால் கொஞ்சம் கொஞ்சமாக அழிந்துவருவதை அரசு தடுக்க தீவிர நடவடிக்கை எடுக்க வேண்டும்.
உடலமைப்பை பொருத்தவரை நன்கு நீண்டு வளையங்களால் அமைந்தது போன்றும் வாய் நீண்டு குழல் போலவும் மார்புப் பகுதி சற்று அகன்று விரிந்தும் காணப்படுகிறது. உடலில் பக்கவாட்டுக் கோடுகள் மற்றும் நீண்ட புள்ளிகள் தென்படுகின்றன. சுமார் 6 செ.மீ முதல் 17 செ.மீ வரை நீளமும் எடை 4 கிராம் முதல் 14 கிராம் வரையும் இருக்கிறது.
பெண் கடற்குதிரைகள் தங்களின் முட்டைகளை (200) ஆண்களின் வால் பகுதியில் உள்ள இனப்பெருக்கப் பைகளில் விட்டுவிடும். அதனை ஆண் கடற்குதிரைகள் கங்காரு போல நன்கு பேணி ஆறு வாரங்கள் பாதுகாத்து குஞ்சுகளாகப் பொரிக்கின்றன. குஞ்சுகளின் எண்ணிக்கையும் 50 முதல் 100 வரை இருக்கும்.
பிறக்கும் குஞ்சுகளின் நீளம் ஏறத்தாழ ஒரு செ.மீட்டராக இருந்தாலும் பெற்றோரின் பாதுகாப்பு அதிகமாகவே இருக்கும். உலகில் மொத்தம் 35 வகையான கடல் குதிரைகள் காணப்படுகின்றன.
இவை பெரும்பாலும் ஆழம் குறைந்த கடல் பகுதிகளான கடற்புற்கள் பவளப்பாறைகள் நிரம்பிய இடங்களில் வாழ்கின்றன இவற்றின் முக்கிய உணவு இறால்களாகும்.
கடல் குதிரைகள் தங்களின் வாலைப் புல்களில் கட்டிக்கொண்டு நிற்க முடியும். இதன் உடல் கடினமான எலும்பு போன்ற பொருள்களினால் ஆன போதிலும் நண்டு பெங்குவின் முதலியன இவற்றை வேட்டையாடி உண்கின்றன.
பெரும்பாலான மீன்கள் கடல் குதிரையைக் கண்டுகொள்வதில்லை.கடல் குதிரைக்குக் கடலில் உள்ள விரோதிகளைக் காட்டிலும் நிலத்தில் உள்ள விரோதியான மனிதன் தான் மிகுந்த தொல்லை கொடுக்கிறான்.
மீன் இனத்தைச் சேர்ந்த உயிரினம்தான் கடல்குதிரை. பார்ப்பதற்கு முதலைக் குட்டியைப் போலிருக்கும். ஆண் கடல் குதிரையின் வாலின் கீழே பை போன்ற அமைப்பு இருக்கும். ஆண் கடல் குதிரைகளின் இந்தப் பையில்தான் பெண் கடல் குதிரைகள் முட்டையிடுகின்றன.
முட்டைகள் பொரிவதும் வெளிவரும் குஞ்சுகள் சிறிது காலம் வளர்வதும் இந்தப் பையில்தான். முட்டைகள் பொரிந்து குஞ்சுகள் வெளிவரும் நேரத்தில் அப்பா கடற்குதிரைக்கு பிரசவ வலி வரும்.
அப்போது அது நீருக்கடியில் உள்ள புதற்களுக்கிடையே கிடந்து மிகவும் சிரமப்படும். உடலை முன்னும் பின்னுமாக அசைத்து வளைக்கும். இப்படி வளையும்போது பையின் தசைகள் விரிவடையும்.
ஒவ்வொரு முறை வளையும்போதும் ஒவ்வொரு குஞ்சு வெளிவரும். இதில் பிரச்சனை என்னவென்றால் கடல்குதிரையின் இனப்பெருக்க வேகம் மிகவும் குறைவு.
மனிதர்களுக்கு வேகத்தைத் தரும் கடல் குதிரைகளுக்குத் தான் வேகம் வருவதில்லை. இப்படியே போனால் எதிர்காலத்தில் கடல் குதிரைகள் என்கிற இனம் என்ன ஆகுமென்று யாருக்கும் தெரியாது.

உறையத்தொடங்கும் கடல் நீரும், விளைவுகளும்...

ஆழமான கடல்நீர்பகுதியானது, உப்புநீர் கரைசலினால் பனிக்கட்டியாக உறையத்தொடங்கும் போது நிகழக்கூடிய மாற்றங்கள் என்ன? கடல் வாழ் உயிரினங்கள் எதிர்நோக்கும் பிரைச்சனைகள் என்ன? அவை எவ்வாறு உயிரிழக்கின்றன?” என்பது பற்றி நேரடியாக எடுக்கப்பட்ட புகைப்படங்களை பிபிசி இணையத்தளம் வெளியிட்டுள்ளது.
டைம்ஸ் லேப் தொழில்நுட்பத்துடன் படம் பிடிக்க கூடிய விசேட கமராக்களைக்கொண்டு கடலுக்கடியில் 2 பாகை செல்சியஸ் வெப்பநிலையில் இவற்றை துல்லியமாக படம் பிடித்துள்ளார்கள். அத்துடன் 6 மணித்தியாலங்களில் இந்த மாற்றங்கள் நிகழ்ந்ததாக இதை படம் பிடித்த ஒளிப்பதிவாளர்கள் கூறியுள்ளார்கள்.
‘Brinicle’ Forms எனப்படும் இந்த நிகழ்வினை பிபிசி ஒளிப்பதிவாளர்களான, Hug Miller மற்றும் Doug Anderson ஆகியோர் அண்ட்டார்ட்டிக்கா நிலப்பிரதேசத்தின் Razorkback எனும் தீவின் கடலுக்கடியில் படம் பிடித்துள்ளார்கள்.

உலகின் வயதான நாய் மரணத்தை தழுவியது…!

உலகின் வயதான நாய் ஒன்று மரணத்தை தழுவியுள்ளது. பிறந்து 26 வயதும் ஒன்பது மாதங்களும் ஆகியுள்ள நிலையிலேயே இந்த நாய் மரணத்தை தழுவியுள்ளது.
Pusuke என்று அழைக்கப்படும் இந்த நாய் ஜப்பானிலுள்ள அதன் வீட்டில் நிம்மதியாக மரணமடைந்துள்ளது.
வாழ்ந்து மறைந்த உலகின் பழமையான நாயாக இனம் காணப்பட்டு கின்னஸ் சாதனைப் புத்தகத்தில் பதிவு செய்யப்பட்டுள்ளது.
இந்த நாயின் உரிமையாளரான Yumiko Shinohara கூறியதாவது……..

Pusuke கடந்த திங்கள் கிழமை வரை நல்ல ஆரோக்கியமாகவும் சுறுசுறுப்பாகவும் இருந்தது. பின்னர் மூச்சை இழுத்து சுவாசிக்க போராடியது.
ஜப்பானில் உள்ள Tochigi prefecture என்ற இடத்திலிருந்து உரிமையாளர் வீட்டுக்கு திரும்பிய சில நிமிடங்களில் நாய் இறந்தது.
தான் வீட்டுக்கு வரும் வரை நாய் இறக்காமல் தனக்காக காத்திருந்ததாக அதன் உரிமையாளர் வியப்புடன் தெரிவித்தார்.
ஏற்கனவே அவுஸ்திரேலியாவைச் சேர்ந்த நாய் ஒன்று 29 வருடங்கள் ஐந்து மாதங்கள் வாழ்ந்து உலகின் வயதான நாயாக மறைந்தது குறிப்பிடத்தக்கது.

70 அடி உயரமான செங்குத்து சுவரில் ஏறிய சீனப் பெண்..!

னாவின் ஜியாங்சு மாகாணத்தில் நான்ஜிங் என்ற பெண் விபரீதமான செயலில் ஈடுபட்டு அனைவரையும் ஆச்சரியத்தில் ஆழ்த்தியுள்ளார்.
கிழக்கு சீனாவில் காணப்படும் 70 அடி உயரமான கோட்டை சுவர் காணப்படுகிறது. இதனை காண்பதற்கு பல நூற்றுக்கணக்காண உல்லாசப்பயணிகள் செல்வது வழக்கம்.
இதற்கான உள்நுழைவு கட்டணமாக £2.50 பவுண்ட் வசூலிக்கப்படுகிறது. இக் கட்டணத்தை செலுத்த முடியாத ஒரு பெண் அங்கு உள்நுழைவதற்காக 70 அடி உயரமான சுவரில் எந்தவிதமான பிடிமானமும் இல்லாமல் ஏறி அசத்தியுள்ளார்.
இவர் செங்குத்தாக இருக்கும் சுவரில் ஏறுவதை பார்த்து உல்லாசப்பயணிகள் அனைவரும் ஓரிடத்தில் கூடி வேடிக்கைபார்க்கத் தொடங்கியுள்ளார்கள்.
இவர் சிறுவயதில் இருந்தே செங்குத்தான இடங்களில் ஏறும் திறமை கொண்டவர். இவரை சீனாவின் சிலந்திப்பெண் எனவும் அழைக்கப்படுகின்றனர்.
 

பீட்ரூட்டின் மருத்துவ குணங்கள்…!

அழகிற நிறம் மற்றும் நிறைய சத்துகளை கொண்ட காய் பீட்ரூட். நிறைய மருத்துவ பயன்களை தன்னகத்தே கொண்டுள்ளது.
1. பீட்ரூட்டை பிழிந்து சாறு எடுத்து தேனுடன் கலந்து சாப்பிட்டு வர அல்சர் குணமாகும்.
2. பீட்ரூட் சாறுடன் வெள்ளரிச்சாறு கலந்து சாப்பிட்டு வடர சிறுநீரகங்களும் பித்தப்பையும் சுத்திகரிக்கப்படும்.
3. பீட்ரூட் சாறுடன் படிகாரத்தை பொடியாக்கி சேர்த்து கலந்து உடலில் எரிச்சல், அரிப்பு உள்ள இடங்களின் மேல் தடவ எரிச்சல் அரிப்பு மாறும்.
4. தீப்பட்ட இடத்தில் பீட்ரூட் சாறைத் தடவினால் தீப்புண் கொப்புளமாகாமல் விரைவில் ஆறும்.
5. பீட்ரூட் கஷாயம் மூலநோயை குணப்படுத்தும்.
6. இரத்த சோகையை குணப்படுத்தும்.
7. பீட்ரூட் சாறு அஜீரணத்தை நீக்கி செரிமானத்தைக் கூட்டும்.
8. பீட்ரூட்டை நறுக்கி பச்சையாக எலுமிச்சை சாற்றில் தோய்த்து உண்டுவர இரத்தத்தில் சிவப்பணுக்கள் உற்பத்தியாகும்.
9. பீட்ரூட்டை வேக வைத்த நீரில் வினிகரைக் கலந்து சொறி, பொடுகு, ஆறாத புண்கள் மேல் தடவி வர அனைத்தும் குணமாகும்.

அழுத குழந்தையை தூங்க வைக்கும் பூனை…!

ஒரு குழந்தை அழும்போது பூனையொன்று குழந்தையின் தலையில் தட்டி தூங்க வைக்கிறது.
பூனையின் சொந்தக்காரரால் எடுக்கப்பட்ட இந்த வீடியோ இணையத்தில் மிகவும் பிரபல்யம் அடைந்துவருகிறது.
இதன் மூலம் பூனைகளுக்கும் மனிதனுக்கும் இடையிலான உறவு வெளிப்படுகிறது.

அடுத்த வருடம் 203 நாட்களே பாடசாலைகள் நடைபெறும் - கல்வியமைச்சு அறிவிப்பு.......

பாடசாலைகளுக்கான 2012ம் ஆண்டு கல்வி நடவடிக்கைகள் 203 நாட்கள் நடைபெற வேண்டுமென கல்வி அமைச்சின் செயலாளர் எச்.எம் குணசேகர அறிவித்துள்ளார்.

அத்துடன் அதற்கான தவணைகள் பற்றிய விபரத்தினையும் வெளியிடப்பட்டது. அதன்படி தமிழ் மற்றும் சிங்கள மொழி மூலமான பாடசாலைகளில் முதலாம் தவணைக்கான கல்வி செயற்பாடுகள் யாவும் ஜனவரி 2ம் திகதி ஆரம்பமாகி ஏப்ரல் 5ம் திகதி வரை நடைபெறும். இரண்டாம் தவணை ஏப்ரல் 23ம் திகதி முதல் ஆகஸ்ட் 3ம் திகதி வரையிலும் மூன்றாம் தவணை செப்டெம்பர் 3ம் திகதி முதல் டிசெம்பர் 7ம் திகதி வரையில் நடைபெறும்.

முஸ்லிம் பாடசாலைகளின் முதலாம் தவணைக்கான கல்வி செயற்பாடுகள் யாவும் ஜனவரி 2ம் திகதி முதல் ஏப்ரல் 5ம் திகதி வரையும் இரண்டாம் தவணை ஏப்ரல் 6ம் திகதி முதல் 17ம் திகதி வரையிலும் மூன்றாம் தவணை ஆகஸ்ட் 22ம் திகதி முதல் டிசெம்பர் 7ம் திகதி வரை நடைபெறவுள்ளது.

குவைத் இளவரசருக்கு மரண தண்டனை!

சகோதரி மகன்  உறவுமுறையிலுள்ள சக இளவரசர் ஒருவரைச் சுட்டுக்கொன்ற குற்றத்துக்காக, குவைத் இளவரசர் ஒருவருக்கு அந்நாட்டு நீதிமன்றம் மரணதண்டனை விதித்துத் தீர்ப்பளித்துள்ளது.

குவைத் குற்றவியல் நீதிமன்றத்தில் நடைபெற்ற வழக்கில், குற்றம் சாட்டப்பட்ட இளவரசர் ஷேக் ஃபைஸல் அல் அப்துல்லாஹ் அல் சபாஹ் என்கிற அரச குடும்பத்து இளவரசர் தன் சகோதரி மகன் உறவுமுறையிலுள்ள ஷேக் பாசில் சாலிம் சபா அல்சலிம் என்கிற மற்றோர் இளவரசரைத் துப்பாக்கியால் சுட்டுக்கொன்ற குற்றத்திற்காக, சட்ட அடிப்படையில் மரண தண்டனை விதித்து இன்று  தீர்ப்பளிக்கப்பட்டது.
குற்றவாளியான இளவரசர் ஷேக் ஃபைஸல் குவைத் இராணுவத்தில் ‘கேப்டன்’ அந்தஸ்தில் பணிபுரிபவர் ஆவார்.
கடந்த 2010 ஜூன்மாதம் கொலையுண்ட ஷேக் பாசிலைக் காண அவரது அரண்மனைக்கு வந்த ஷேக் ஃபைஸல் ‘உன்னிடம் தனியாகப் பேச வேண்டும்’ என்று அவரைச் சற்று வெளியே அழைத்ததாகவும், அதன் பின் ஒருசில நிமிடங்களில் துப்பாக்கி வெடித்த சப்தம் கேட்டு  மற்றவர்கள் ஓடிச் சென்று பார்த்தபோது, இரத்தவெள்ளத்தில் ஷேக் பாசில் கிடந்ததாகவும், அவசரமாக முபாரக் அல் கபீர் மருத்துவமனைக்கு அவரை எடுத்துச் சென்றும் பலனின்றிப் போனதாகவும் செய்தி வெளியானது.
அரசில் எந்தப் பொறுப்பும் வகிக்காததால், ஷேக் பாசிலின் கொலைக்கு எந்த அரசியல் காரணமும் இல்லை என்று அரசுத் தரப்பு தெரிவித்திருந்தது.
கொலையுண்ட இளவரசர் ஷேக் பாசில், 1977 வரை குவைத் மன்னராக இருந்த ஷேக் சபாஹ் சாலிம் அல் சபாவுடைய பேரனாவார். அவருடைய தந்தை ஷேக் சாலிம் 1975 வரை அமெரிக்கா, கனடா, வெனிசுலா நாடுகளில் தூதராகப் பொறுப்புவகித்தவர் ஆவார். அதன்பின் நாடு திரும்பி, மந்திரிசபையில் பல்வேறு பொறுப்புகளை ஏற்றிருந்தார். எனினும், அண்மையில் உடல்நலக் காரணத்தால் அரசியலிலிருந்து ஒதுங்கிவிட்டார்.

தவிர்க்க கூடாத பத்து உணவுகள்....

நம் உடல் பாதுகாப்பாக இயங்கப் பத்து சூப்பர் உணவுகள் உள்ளன. காற்று, நீர் மூலம் பரவும் நோய்த் தொற்றைப் படுசுத்தமான மனிதர் கூடத் தடுக்க முடியாது. நாம் சாப்பிடும் முக்கியமான உணவு வகைகள், நம் உடலில் சேரும் இத்தகைய நோய் நுண்மங்களை எளிதில் தடுத்து அழித்துவிடும். நோய் பரவுவதைத் தடுக்கும் அந்தப் பத்து சூப்பர் உணவுகள்.

  வெள்ளைப் பூண்டு:

பண்டைய எகிப்திலும் பாபிலோனியாவிலும் அற்புதங்களை விளைவித்துக் குணமாக்கிய மண்ணடித் தாவரம் இது. கிரேக்கத் தடகள வீரர்கள் விரைந்து ஓட ஊக்கம் தரும் மருந்தாக வெள்ளைப் பூண்டை கைகளில் அழுத்தித் தடவிக் கைகளைக் கழுவினார்கள். இதனால் நோய் நுண்மங்கள் அழிந்தன. குடலில் உள்ள புழுக்களிலிருந்து மற்றும் தலைவலி முதல் புற்றுநோய் வரை பல நோய்களையும் குணமாக்க வெள்ளைப் பூண்டு பயன்படுத்தப்படுகிறது. அறிவியல் முடிவுகளால் கூட வெள்ளைப் பூண்டு பயன்படுத்தப்படுகிறது. அறிவியல் முடிவுகளால் கூட வெள்ளைப் பூண்டின் பெருமையை மங்கச் செய்ய முடியவில்லை. உடலில் நன்மை செய்யக்கூடிய கொலாஸ்டிரல் உருவாக பூண்டின் பங்கு மகத்தானது.

 வெங்காயம்:

வெள்ளைப் பூண்டுடன் சேர்ந்து வல்லமை மிக்க, புகழ்மிக்க மருந்தாக வெங்காயம் செயல்பட்டு வருகிறது. ஜலதோஷத்தை ஏற்படுத்தும் நச்சு நுண்மங்களையும், புற்று நோய்களையும், இதய நோய்களையும் தடுத்து நிறுத்துகிறது. நோய்த் தொற்றைத் தடுத்து உடலில் நோய் எதிர்ப்புச் சக்தியை அதிகரிக்கிறது. வெங்காயத்தில் உள்ள அலிலின் என்ற இராசயனப் பொருள்தான் பாக்டீரியாக்கள், நச்சு நுண்மங்கள், காளான் போன்றவை உடலில் சேராமல் தடுக்கின்றன. இத்துடன் புற்றுநோய்க் கட்டிகள் வளராமலும் தடுக்கின்றன.

கரட்:

நோய் எதிர்ப்புச் சக்தி வேலிகள் நன்கு உறுதிப்பட காரட்டில் உள்ள பீட்டா கரோட்டின் உதவுகிறது. குறிப்பாக நம் உடல் தோலிலும், சளிச் சவ்விலும் நோய் எதிர்ப்புப் ொருள்கள் நன்கு செயல்படும்படி தூண்டிக்கொண்டே இருப்பது கரட்தான்.

 ஆரஞ்சு :
வைட்டமின் சி ஒரு முகப்படுத்தப்பட்டு சேகரித்து வைக்கப்பட்டுள்ளது. இப்பழத்தில் இன்டர்பெரான் என்ற இராசயனத் தூதுவர்களை அதிகம் உற்பத்தி செய்வது வைட்டமின் சி. காற்று மற்றும் நீர் மூலம் பரவும் நோய்த் தொற்றுக் கிருமிகளை இந்த இன்டர்பெரான்கள் எதிர்த்துப் போராடி உடலில் அவை சேராமல் அழிக்கின்றன. ஆரஞ்சு கிடைக்காத போது எலுமிச்சம்பழச் சாறு அருந்தலாம்.

  பருப்பு வகைகள் :

பாதாம் பருப்பு, வேர்க்கடலை போன்ற கொட்டை வகைகளில் உள்ள வைட்டமின் ஈ, வெள்ளை இரத்த அணுக்கள் சிறப்பாகச் செயல்படத் தூண்டிவிடுகின்றன. இதனால் நோய் எதிர்ப்புச் சக்தி அதிகரிக்கிறது.

கோதுமை ரொட்டி :
நரம்பு மண்டலமும், மூளையும் நன்கு செயல்படவும் புதிய செல்கள் உற்பத்தியில் உதவும் மண்ணீரலும், நோய் எதிர்ப்புச் சக்தியை அதிகரிக்கும். தைமஸ் சுரப்பியும் விரைந்து செயல்பட ப்ரெளன் (கோதுமை) ரொட்டியில் உள்ள பைரிடாக்ஸின் (B4) என்ற வைட்டமின் உதவுகிறது. இத்துடன் கீரையையும், முட்டையையும் தவறாமல் சேர்த்துக்கொள்ள வேண்டும்.

இறால் மீன் மற்றும் நண்டு :

அழிந்து போன செல்களால் நோயும், நோய்த்தொற்றும் ஏற்படாமல் தடுப்பதில் இவற்றில் உள்ள துத்தநாக உப்பு உதவுகிறது. எனவே, வாரம் ஒரு நாள் இவற்றில் ஒன்றைச் சேர்த்து சாப்பிட்டு வரவும்.

    தேநீர் :

தேநீரில் உள்ள மக்னீசியம் உப்பு நோய் எதிர்ப்புச் செல்கள் அழிந்துவிடாமல் பாதுகாப்பதில் ஒரு நாட்டின் இராணுவம் போன்று செயல்படுகிறது. சூடான தேநீர் ஒரு கப் அருந்துவதால் நோய்த் தொற்றைத் தடுத்துவிடலாம்.

பாலாடைக்கட்டி :
சீஸ் உட்பட பால் சம்பந்தப்பட்ட பொருட்களில் உள்ள கால்சியம், மக்னீசியம் உப்புடன் சேர்ந்து கொண்டு உடலில் நோய் எதிர்ப்புத் தன்மை அமைப்பு கருதி தவறாமல் ஆற்றலுடன் செயல்பட உதவுகிறது.

முட்டைக்கோஸ் :
குடல் புண்கள் ஆறு மடங்கு வேகத்தில் குணம் பெற முட்டைக் கோஸில் உள்ள குளுட்டோமைன் என்ற அமிலம் உதவுகிறது. உணவின் மூலம் உள்ளே சென்றுள்ள நோய்த்தொற்று நுண்மங்கள் முட்டைக்கோஸால் உடனே அகற்றப்படுகின்றன. இதனால் நோய் எதிர்ப்புச் சக்தி அதிகரிக்கிறது. முட்டைக் கோஸஸுக்குப் புற்று நோயைத் தடுக்கும் ஆற்றல் உண்டு.

மேற்கண்ட உணவுப்பொருட்களில் ஏழு உணவுப் பொருட்களாவது தினமும் நம் உணவில் இடம் பெற வேண்டும். இதைச் செய்து வந்தால் நம் மருந்துவச் செலவு குறைந்துவிடும்.

NEW WORLD’S SMALLEST WOMAN FROM INDIA...

NEW WORLD’S SMALLEST WOMAN FROM INDIA:
Guinness World Record Winner

1. Born on 16 December, 1993, in Nagpur Jyoti measures 61.95 cm (2 ft) tall, making her shorter than the average two-year-old child.

2. She weight just 11lb (5 kg).

3. Jyoti is 6.2 cm shorter than the former world's Shortest woman, 22-year old American Bridgette Jordan who stands at 69cm (2 ft 3 in).

4. Jyoti has a form of dwarfism called achondroplasia and will not grow any taller than her current height.

5. Due to her size, all of Jyoti's clothes and jewelry are custom made. Even plates and utensils are specially made, as normal-sized silverware is too big.

6. Jyoti has attended regular school since she was 4 and, other than a small desk and chair, she is treated like any other pupil.

7. Just like most other teenage girls, Jyoti loves fashion, make-up and talking on the phone.

8. Her dream of becoming a Bollywood actress is set to come true next year as she is due to star in two movies in 2012.

9. She is set to release an album with her favorite Bhangra/rap star Mika Singh next year.

10.Despite her tiny stature, Jyoti Amge is not the Shortest woman in history. This title continues to be held by Pauline Musters (Netherlands, 1876-1895) who measured just 61cm (24in)....

பூமியின் வட்டப்பாதையில் சூரியனை சுற்றும் முதல் ட்ரோஜன் கிரகம் கண்டுபிடிப்பு!!!

பூமியின் வட்டப்பாதையில் சூரியனை சுற்றும் முதல் ட்ரோஜன் கிரகத்தை அமெரிக்காவின் நாசா விண்வெளி நிலையம் கண்டுபிடித்து உள்ளது.
பூமிக்கு இணையாக ஒரே வட்டப்பாதையில் அருகே அமைந்து சூரியனை சுற்றும் கிரகத்திற்கு ட்ரோஜன் என்று பெயர். பூமியைச் சுற்றி நிறைய ட்ரோஜன்கள் இருக்கலாம்.
அவை மிகச்சிறியதாக இருப்பதாலும், பூமியின் கோளத்தில் இருந்து கணக்கிடும் போது ட்ரோஜன் கிரகம் சூரியனுக்கு அருகாமையில் உள்ளன. எனவே அவற்றை காண்பதில் மிகுந்த சிரமம் உள்ளது என விஞ்ஞானிகள் கூறுகின்றனர்.
இந்த சிறிய கிரகங்கள் பகல் நேர வெளிச்சத்திலேயே மூழ்கி கிடக்கின்றன. எனவே அதனை பார்ப்பதற்கு சிரமமாக உள்ளது என கனடா அதபாஸ்கா பல்கலைக்கழக ஆய்வாளர் கானர் கூறுகிறார்.
கானர்சும், இவரது குழுவினரும் நியோ-வைஸ் புள்ளி விவரங்களை வைத்து பூமி வட்டப்பாதையில் உள்ள ட்ரோஜன்களை பற்றி ஆய்வு செய்தனர்.
நியோ என்பது பூமிக்கு அருகே உள்ள பொருள் என்பதாகும். நியோ-வைஸ் திட்டத்தில் மிகச்சிறிய 1 லட்சத்து 55 ஆயிரம் கிரகங்கள் கண்டறியப்பட்டு உள்ளன. செவ்வாய் மற்றும் வியாழன் கிரகம் இடையே இவை ஆய்வு செய்யப்பட்டுள்ளன.

சனி கிரகத்தில் தண்ணீர் உள்ளது: விஞ்ஞானிகள் தகவல்!!!!!

சனி கிரகத்தில் தண்ணீர் உள்ளதா என விஞ்ஞானிகள் ஆய்வு செய்து வருகின்றனர். இந்த ஆய்வு கடந்த 14 ஆண்டுகளாக நடைபெற்று வருகிறது.
இந்த நிலையில் ஜேர்மனியைச் சேர்ந்த வானியல் விஞ்ஞானிகள் பால் ஹார்டாக் தலைமையில் ஆய்வு மேற்கொண்டனர்.
அப்போது சனி கிரகத்தில் தண்ணீர் இருப்பதை கண்டறிந்தனர். சனி கிரகத்தை சுற்றி பல சந்திரன்கள் உள்ளன. அவற்றில் அக்கிரகத்தின் மேல் பகுதியில் ஆறாவது மிகப்பெரிய சந்திரன் உள்ளது. அது முழுவதும் ஐஸ் கட்டினால் மூடப்பட்டுள்ளது.
இதனால் சனிகிரகத்தில் மழை பெய்து அதன் மூலம் தண்ணீர் இருப்பதற்கான வாய்ப்பு உள்ளதாக கருதப்படுகிறது. மேலும் அங்கு ஆவி நிலையில் தண்ணீர் இருப்பதும் தெரியவந்துள்ளது.
இவை சனி கிரகத்தை சுற்றி வட்டவடிவில் உள்ளது. இது அந்த கிரகத்தின் சுற்றளவை விட 10 மடங்கு பெரியதாக உள்ளது. இதனால் இங்கு தண்ணீர் இருப்பதற்கான வாய்ப்பு அதிகம் உள்ளது என விஞ்ஞானிகள் தெரிவித்துள்ளனர்.

பாலாடைக்கட்டி புற்றுநோய்க்கு வழிவகுக்கும்: ஆய்வில் தகவல்!!!

பெரும்பாலானவர்கள் தங்கள் உணவில் பாலாடை கட்டிகளை பயன்படுத்தி வருகிறார்கள். அவற்றை தினசரி உணவில் சேர்த்து கொண்டால் சிறுநீர் பையில் புற்றுநோய் ஆபத்து ஏற்படும் என ஆய்வில் தெரியவந்துள்ளது.
நெதர்லாந்து மற்றும் பெல்ஜியம் நாடுகளைச் சேர்ந்த நிபுணர்கள் இது குறித்து ஆராய்ச்சியை மேற்கொண்டனர். சிறுநீர் பை புற்றுநோயினால் பாதிக்கப்பட்ட 200 பேரிடமும், புற்று நோய் பாதிக்காத 386 பேரிடமும் ஆய்வு மேற்கொள்ளப்பட்டது.
அவர்களில் தினமும் 53 கிராம் பாலாடை கட்டியை உணவில் சேர்த்து கொள்பவர்களுக்கு சிறுநீர் பை புற்றுநோய் பாதித்தது கண்டுபிடிக்கப்பட்டது. இவர்கள் 53 கிராமுக்கும் அதிகமான சொக்லேட் சாப்பிட்டு வந்தனர்.
அதில் சேர்க்கப்பட்டிருந்த பாலாடை கட்டியால் இது உண்டானது தெரியவந்தது. அதே வேளையில் அதிக அளவு ஆலிவ் ஆயில் சேர்ப்பவர்களுக்கு பலவித நோய் பாதிப்பு ஏற்படும் என்றும் கண்டறியப்பட்டுள்ளது.

14 விதமான மூக்குகள் கண்டுபிடிக்கப்பட்டது!!!

இஸ்ரேலில் உள்ள பென் குரியன் பல்கலைக்கழகத்தைச் சேர்ந்த பேராசிரியர் ஆப்ரகாம் தமிர் என்பவர் தனது மாணவர்கள் துணையுடன் மனித மூக்குகள் குறித்த ஆராய்ச்சியில் இறங்கினார்.
மனிதர்களின் முக்கிய உறுப்புகளில் மூக்கும் ஒன்று. முகத்துக்கு அழகை சேர்ப்பது மூக்கு என்றால் அது மிகையாகாது. மனிதர்களுக்கு எத்தனை வகை மூக்குகள் உள்ளன என்பதை கண்டறியவே இந்த ஆராய்ச்சி மேற்கொள்ளப்பட்டது.
இந்த ஆராய்ச்சியில் மனிதர்களுக்கு 14 விதமான மூக்குகள் உள்ளன என்று கண்டறியப்பட்டுள்ளது. பிறைவடிவிலான மெல்லிய மூக்கு, சதைப் பிடிப்பு மூக்கு, உருண்டை மூக்கு, ரோமன் மூக்கு என மொத்தம் 14 விதமான மூக்குகள் பட்டியலிடப்பட்டு உள்ளது.
சதைப் பிடிப்பிடிப்புள்ள மூக்குகள் ஆண்களிடம் தான் அதிகமாக காணப்படுகின்றன. இந்த மூக்குக்கு உதாரணம் கூற வேண்டுமானால், இளவரசர் பிலிப்பை சொல்லாம். நடிகர் டாம் குரூஸிடம் “ரோமன்” மூக்கு அமைந்துள்ளது.
மூக்கு விஷயம் சாதாரணமானது அல்ல, அவை ஒவ்வொன்றும் ஒவ்வொரு உணர்வுகளை வெளிப்படுத்துவதாக பேராசிரியர் ஆப்ரகாம் தபிர் கூறுகிறார். எந்த வகையான மூக்கை விரும்புகிறீர்கள் என்று பொதுமக்களிடம் நடத்தப்பட்ட கருத்துக்கணிப்பில் லேசாக விளைந்த பிறை வடிவ மூக்கை விரும்புவதாக 13 சதவீதம் பேர் கருத்து தெரிவித்தள்ளனர். நீண்ட மூக்கை பெரும்பாலானோர் விரும்பவில்லை, தடிமனான மூக்குக்கு 5 சதவீதம் பேர் மட்டுமே ஆதரவு தெரிவித்தள்ளனர்

முதன் முறையாக சூரியனை சுற்றி வந்த நெப்டியூன்!!!!!!!!

இந்த கிரகம் கண்டுபிடிக்கப்பட்டது முதல் இப்போது தான் சூரியனை முழுமையாக சுற்றி முடித்துள்ளது. அதாவது சூரியனை இந்த கிரகம் சுற்றி வர எடுத்துக் கொள்ளும் காலம் 165 ஆண்டுகளாகும்.
18ம் நூற்றாண்டில் யுரேனஸ் தான் நமது சூரிய குடும்பத்தின் கடைசி கிரகமாகக் கருதப்பட்டது. ஆனால் யுரேனஸின் சுற்றுப் பாதையில் ஏற்பட்டு வரும் மாற்றங்களை விஞ்ஞானிகள் கண்டுபிடித்ததே இதற்கு காரணமாகும். இதையடுத்து யுரேனசுக்கு அப்பாலும் கிரகங்கள் இருக்கின்றனவா என்ற ஆராய்ச்சிகள் தொடங்கின.
இந்நிலையில் பிரிட்டிஷ் வானியல் ஆய்வாளரான வில்லியம் ஹெர்செல் மற்றும் அவரது சகோதரி கரோலின் ஆகியோர் 1781ம் ஆண்டு யுரேனஸ் என்ற கிரகம் ஒன்று இருப்பதை கண்டுபிடித்தனர். ஆனால் அதை அவர்கள் பார்க்கவில்லை.
நெப்டியூன் இருக்கும் இடத்தை மிகச் சரியாக கணித்தவர்கள், பிரான்ஸ் மற்றும் இங்கிலாந்து நாட்டு கணிதவியல்-வானியல் ஆய்வாளர்களான லெ வெர்ரியர் மற்றும் ஜான் கெளச் ஆடம்ஸ் ஆகியோர் தான். இவர்களும் யுரேனஸை பார்க்கவில்லை.
இந்நிலையில் லெ வெர்ரியர் தந்த தகவலின் பேரில் 1846ம் ஆண்டு ஜேர்மனியின் வானியல் ஆய்வாளரான ஜோஹன் கல்லே இந்த கிரகத்தை தொலைநோக்கி மூலம் முதன் முதலாக அடையாளம் கண்டார்.
இவருக்கு முன்பே இத்தாலியின் பிரபலமான வானியல் ஆய்வாளரான கலிலியோ கலிலி 1612ம் ஆண்டு டிசம்பரிலேயே இந்த கிரகத்தை தொலைநோக்கியில் பார்த்தாலும் அதை நட்சத்திரம் என நினைத்து விட்டு விட்டார். ஆனால் அவரது நோட்ஸ்களில் உள்ள தகவல்களின்படி அவர் பார்த்தது நட்சத்திரம் இல்லை நெப்டியூன் தான் என பின்னாளில் தெரியவந்தது.
இதனால் இந்த கிரகம் அதிகாரப்பூர்வமாகக் கண்டுபிடிக்கப்பட்டது 1846ம் ஆண்டு தான் என்றாகிவிட்டது. சூரியனிலிருந்து 4.5 பில்லியன் மைல்கள் தொலைவில் உள்ள இந்த கிரகத்தில் இருப்பதெல்லாம் ஹைட்ரஜனும், மீத்தேனும், ஹீலியமும் தான். இதனால் இதன் நிறம் நீல நிறமாக உள்ளது. இங்கு தரை என்று ஏதும் கிடையாது. இது ஒரு "கேஸ் ஜயண்ட்".
1846ம் ஆண்டு இந்த கிரகம் எந்த இடத்தில் இருந்ததோ, அந்த இடத்தை கிட்டத்தட்ட 164.8 ஆண்டுகளுக்குப் பின் இன்று வந்து அடைந்துள்ளது நெப்டியூன். அதாவது நெப்டியூன் கிரகத்தில் ஒரு ஆண்டு என்பது, 165 வருடங்கள்.
கண்ணால் பார்க்காமலேயே காதல் மாதிரி, தொலைநோக்கி மூலம் பார்க்கப்படாமலேயே கண்டுபிடிக்கப்பட்ட முதல் கிரகம் நெப்டியூன் என்பது இதன் சிறப்பம்சமாகும். எப்படி யுரேனஸின் சுற்றுப் பாதையை ஏதோ ஒரு கிரகம் வருகிறது என்ற ஆராய்ச்சியின் மூலம் நெப்டியூன் கண்டுபிடிக்கப்பட்டதோ, அதே மாதிரி கண்டுபிடிக்கப்பட்டது தான் புளுட்டோவும் என்பது குறிப்பிடத்தக்கது.
நெப்டியூனின் சுற்றுப் பாதையை ஏதோ ஒரு கிரகம் பாதிக்கிறது என்ற கோணத்தில் ஆராய்ச்சிகள் நடந்தபோது தான் புளுட்டோ கண்டுபிடிக்கப்பட்டது. ஆனால் இது முழுமையான கிரகமே அல்ல.. ஒரு முழுமை பெறாத கோள் (dwarf planet) என்பது சமீபத்தில் கண்டுபிடிக்கப்பட்டது.

இதனால் சூரிய குடும்பத்தின் கடைசி கிரகம் இன்றைய திகதியில் நெப்டியூன் தான். நெப்டியூன் என்பது ரோமன் பெயராகும். இதற்கு அர்த்தம் "கடல் சாமி" (Sea of God).

கடல் தாவரத்திலிருந்து உப்பு தயாரித்து ஆராய்ச்சியாளர்கள் சாதனை!!!!

இங்கிலாந்தின் ஷெபீல்ட் ஹாலம் பல்கலைக்கழக ஆராய்ச்சியாளர்கள் உப்புக்கான மாற்றுப்பொருளை கண்டுபிடித்துள்ளனர்.
உடலில் உப்பின் அளவு அதிகரித்தால் உயர் ரத்த அழுத்தம், வலிப்பு, பக்கவாதம் உள்ளிட்ட பல்வேறு பாதிப்புகள் ஏற்படும்.
தொடர்ந்து அதிகரிக்கும் உப்பின் அளவு சிறுநீரக பாதிப்பையும் ஏற்படுத்தி உயிருக்கு அச்சுறுத்தலாகும். உப்பால் ஏற்படும் பாதிப்பால் உயிரிழப்போர் எண்ணிக்கை உலகம் முழுவதும் நாளுக்கு நாள் அதிகரித்த வண்ணம் உள்ளது.
இத்தகைய பாதிப்புகளை தவிர்க்க உப்பின் அளவை வெகுவாக குறைக்க வேண்டும் என தொடர்ந்து வலியுறுத்தப்பட்டு வருகிறது. இதுகுறித்த தொடர் ஆய்வுகளும் நடைபெற்று வருகின்றன.
இதன் தொடர்ச்சியாக நடைபெற்ற ஆய்வு ஒன்று உப்புக்கான மாற்றுப் பொருளை கண்டுபிடித்துள்ளது. கடல் தாவரத்தில் இருந்து தயாரிக்கப்பட்டுள்ள இந்த உப்பு உடலுக்கு பாதிப்பு ஏற்படுத்தாது. பக்க விளைவுகளை ஏற்படுத்தாது என்கின்றனர் ஆராய்ச்சியாளர்கள்.
ஒரு வித வாசனையுடன் இருக்கும் இது சிறு படிகங்களாக உள்ளது. அதிக சத்துக்களை உள்ளடக்கியது. பருமனை குறைக்கவும் இதை பயன்படுத்தலாம் என்று தெரிகிறது. உணவு, பேக்கரி தயாரிப்பில் பயன்படுத்தலாம். இறுதிகட்ட ஒப்புதலுக்கு பிறகு அறிமுகப்படுத்தப்படும் என்கின்றனர் ஆராய்ச்சியாளர்கள்.

புற்று நோய்க்கு மருந்தாகும் தக்காளி!!!!

சமையலுக்கு உபயோகப்படுத்தும் சாதாரண தக்காளியில் செலினியம் என்ற சக்தி வாய்ந்த ஆண்டி ஆக்ஸிடன்ட் உள்ளது. இந்த பொருள் புற்றுநோயை தடுக்க உதவுகிறது என்பது ஆய்வில் தெரியவந்துள்ளது.
பிரேசில் பருப்பு, மீனில் தாதுக்கள் உள்ளன. இவை தைராய்டு சுரப்பிக்கு மிக முக்கியமானதாக உள்ளது. தற்போது பிரிட்டன் சந்தைக்கு வந்த சூப்பர் தக்காளி 300 கிராம் 1.99 பவுண்ட்டிற்கு விற்கப்படுகிறது.
பிரிட்டன் உணவுகளில் இல்லாத கூடுதல் செலினிய தாது சத்துக்கள் இந்த புதிய தக்காளியில் உள்ளன. ஊட்டச்சத்து அமைப்பின் மருத்துவர் கரினா நோரிஸ் கூறியதாவது: செலினியம் நோய் எதிர்ப்புச் சக்தியில் மிக முக்கிய பங்கு வகிக்கிறது.
உணவில் போதிய அளவு செலினியம் இருக்கும் போது புற்றுநோய் அபாயத்தை தவிர்க்கலாம். இந்த சூப்பர் தக்காளிகள் மூலம் உடலுக்கு தேவையான ஊட்டச்சத்தை பெறுவதற்கு சரியான வழியாக உள்ளது என்றார். பிரிட்டனில் பத்தில் நான்கு பேருக்கு புற்று நோய் அபாயம் உள்ளது.
கடந்த 10 ஆண்டுகளில் 30 சதவீதம் பேருக்கு இந்த புற்று நோய் அபாயம் அதிகரித்து உள்ளது. தினமும் பிரிட்டன் பெண்கள் 60 மில்லி கிராம் அளவிலும், 75 மைக்ரோ கிராம் அளவிலும் செலினிய தாதுக்கள் உணவை எடுத்துக் கொள்ள வேண்டும். ஆனால் அதற்கும் குறைவான அளவிலேயே பிரிட்டனில் இந்த தாது உணவை எடுத்துக் கொள்கிறார்கள்.
புதிய வகை சூப்பர் தக்காளியை மார்க்ஸ் அண்ட் ஸ்பென்ட்சர் நிறுவனம் உருவாக்கி உள்ளது.

எய்ட்ஸ் நோய்க்கு மருந்தாக பயன்படும் புகையிலை!!!

புகையிலை சார்ந்த பொருட்களை பயன்படுத்த வேண்டாம். நீண்ட காலம் புகை பிடிக்கும் பழக்கம் இருந்தால் சுவாசப் பிரச்சனையுடன் புற்றுநோயும் வரும் என மருத்துவர்கள் எச்சரித்து வருகிறார்கள்.
இந்த நிலையில் மாற்றம் செய்யப்பட்ட புகையிலை மருந்தாகவும் பயன்படுகிறது என ஆய்வாளர்கள் கண்டறிந்து உள்ளனர். எச்.ஐ.வி எய்ட்ஸ் போன்ற ஆட்கொல்லி நோய் தவறான பழக்க வழக்கங்களினால் வருகிறது.
சிறிய குழந்தைகளுக்கும் தவறான ஊசி முறையால் இந்த நோய் பாதிப்பு ஏற்படுகிறது. எச்.ஐ.வி பாதித்த நபர்களின் ஆயுட்காலம் எண்ணப்படுகிறது என்ற அச்சுறுத்தல் இருந்தாலும் அந்த நோய்க்கும் புதிய சிகிச்சை அளிக்க மருந்து தயாராகிறது.
இந்த மருந்து புகையிலையில் இருந்து தயாரிக்கப்படுகிறது என்பது ஆச்சரியமான விடயம். தற்போதைய மருந்துகள் பாலூட்டி செல்கள் மூலம் தயாரிக்கப்படுகின்றன.
இந்த நிலையில் எச்.ஐ.விக்கு புகையிலையில் மருந்து தயாரிக்கும் ஆராய்ச்சியில் லண்டன் பல்கலைகழகத்தின் செயின்ட் ஜார்ஜஸ் பகுதியை சார்ந்த பேராசிரியர் தலைமையிலான குழு வெற்றிகண்டுள்ளது.
மரபணு மாற்றம் செய்யப்பட்ட புகையிலை மூலம் மருந்து தயாரிக்க ஆகும் செலவு தற்போதைய மருந்தை காட்டிலும் 100 மடங்கு குறைவாகும். 2008ம் ஆண்டு முடிவில் 15 வயதுக்கு மேற்பட்ட 83 ஆயிரம் பேருக்கு பிரிட்டனில் எச்.ஐ.வி பாதிப்பு இருந்தது தெரியவந்துள்ளது.

இளமைக்கு வழிவகுக்கும் திராட்சை!!!!!

திராட்சைப் பழத்தை தொடர்ந்து சாப்பிட்டு வந்தால் தோல் புற்றுநோயை தவிர்க்கலாம். அது மட்டுமல்லாமல் முன் கூட்டிய வயோதிகத்தை தடுக்கவும் திராட்சை உதவுகிறது என ஆய்வாளர்கள் கண்டறிந்துள்ளனர்.
திராட்சையில் உள்ள கூட்டுப் பொருள்கள் சூரியனில் இருந்து வரும் புற ஊதாக் கதிர்களின் கதிர்வீச்சில் இருந்து செல்களை பாதுகாக்க உதவுகிறது. புற ஊதா கதிர்கள் தோல் புற்றுநோயை ஏற்படுத்த காரணமாக உள்ளது.
பார்சிலோனா பல்கலைகழகம் மற்றும் ஸ்பானிஷ் தேசிய ஆராய்ச்சி கொவுன்சில் மேற்கொண்ட ஆய்வில் இந்த உண்மை தெரியவந்துள்ளது. புற ஊதா கதிர்வீச்சு பாதிப்பை தவிர்க்க திராட்சையில் உள் ப்ளேவனாய்ட் உதவுகிறது என ஆய்வாளர்கள் கூறுகின்றனர்.
ஆய்வின் இயக்குனரும் பார்சிலோனா பல்கலைகழக உயிரி வேதியியல் நிபுணருமான மார்டா காஸ்கன்டே கூறுகையில்,"சூரிய ஒளியின் மூலம் ஏற்படும் பாதிப்பை தவிர்க்க முடியும் என இந்த புதிய ஆய்வின் மூலம் கண்டறியப்பட்டுள்ளது" என்றார்.
அழகு சாதனப் பொருட்கள், மருந்துகள் ஆகியவற்றில் திராட்சை கூட்டுப் பொருள்கள் ஏற்கனவே உள்ளன. இருப்பினும் அவை தோல் செல்களை பாதுகாப்பதில் உரிய முறையில் செயல்படவில்லை. சூரிய கதிர்வீச்சால் தோலுக்கு ஏற்படும் சேதத்தை தவிர்ப்பதற்கு தற்போதைய ஆய்வு உதவும் என அவர் தெரிவித்தார்.

உடல் களைப்பை உடனடியாக நீக்கும் சொக்லெட் பாணம்: ஆய்வின் தகவல்!!

அதிக வேலைப்பளு, உடற்பயிற்சி உள்ளிட்ட காரணங்களினால் உடல் சோர்வடைவது இயல்பு. இதுபோன்ற நேரங்களில் சோர்வை களைவதற்கு எடுக்கப்படும் நடவடிக்கைகள் உடனடி பலனை தராது.
ஆனால் லோ கலோரி சொக்லெட் ட்ரிங்க் உடல் களைப்பை உடனே போக்கிவிடும் என்று சமீபத்திய ஆய்வில் தெரிய வந்துள்ளது. டெக்சாஸ் பல்கலைக்கழக ஆராய்ச்சியாளர்கள், டாக்டர் ஜான் கிவி தலைமையில் இது குறித்து மேற்கொண்ட ஆய்வில் இந்த உண்மை கண்டறியப்பட்டது.
ஆய்வுக்காக சுமார் 50 பேர் தேர்வு செய்யப்பட்டு, ஆய்வுக்கு முந்தைய பரிசோதனைகளுக்கு உட்படுத்தப்பட்டனர். பின்னர் விளையாட்டு, வேலைகளில் ஈடுபடுத்தப்பட்டனர். சுமார் 90 நிமிடம் தொடர்ந்து சைக்கிள் ஓட்டவும் கோரப்பட்டனர்.
இதில் களைப்பு அடைந்தவர்களுக்கு லோ கலோரி சொக்லெட் டிரிங்க் கொடுத்து பரிசோதித்தனர். களைப்பு நீங்கி அவர்கள் உற்சாகமாக காணப்பட்டனர். தொடர்ந்து 6 வாரங்கள் கண்காணிக்கப்பட்ட நிலையில், அவர்கள் உடல் எடை அதிகரிக்கவில்லை என்பதும் தெரிந்தது.
ஆய்வு குறித்து டாக்டர் ஜான் கூறுகையில், லோ கலோரி சொக்லெட் டிரிங்க் உடனடியாக உடல் சோர்வை போக்கும். குறைந்த கலோரி அளவுள்ள பாலாக இருந்தால் நல்லது. உடல் எடை அதிகரிக்காது.
பெரும்பாலும் விளையாட்டு வீரர்கள் இத்தகைய பானத்தையே அதிகம் எடுத்துக் கொள்கின்றனர். மிகக் குறைந்த கலோரிகள் அல்லது அதிக கார்போஹைட்ரேட் கொண்ட பானங்களால் இதுபோன்ற உடனடி பலன் கிடைப்பதில்லை. லோ கலோரி சொக்லெட் டிரிங்க் குடித்தால் உடல் எளிதாக அதிக பிராணவாயுவை எடுத்துக்கொள்வதும் இந்த ஆய்வில் தெரியவந்துள்ளது.
இதனால் விளையாட்டு வீரர்கள் மட்டுமின்றி சாதாரணமானவர்களுக்கும் உடலில் சுவாசம் உள்ளிட்ட பிரச்னைகளில் இருந்து பாதுகாப்பு கிடைக்கிறது. இது ரத்த சுத்தியை ஏற்படுத்தி ரத்த ஓட்டத்தையும் சீராக்குகிறது.
இதயநோய் பாதிப்புகளை விரட்டுகிறது. உடல்தசைகளும் இதனால் வலுப்பெறுகிறது. உடல் மற்றும் மனச்சோர்வை களைகிறது. இது இயல்பை விட அதிக சுறுசுறுப்பாக இயங்க வகை செய்கிறது. இதில் உள்ள அதிக அளவு புரதம் உடல் சுறுசுறுப்புக்கு உடனடி வழி செய்கிறது. இதனால் பாதிப்புகளோ பக்க விளைவுகளோ இல்லை.

புற்றுநோய் நோயாளிகள் தினமும் 2 மணி நேரம் உடற்பயிற்சி செய்வது அவசியம்!!!

புற்றுநோய்க்கு சிகிச்சை எடுக்கும் நோயாளிகள் வாரம் 2 மணி நேரம் கட்டாயம் உடற்பயிற்சி மேற்கொள்ள வேண்டும் என ஆய்வு அறிவுறுத்துகிறது.உடற்பயிற்சி செய்வதால் புற்றுநோய் பாதிப்பு குறைகிறது. சிகிச்சையால் ஏற்படும் பக்கவிளைவுகளும் குறைகின்றன என்று மாக்மில்லன் புற்றுநோய் ஆதரவு அறக்கட்டளை ஆய்வு கூறுகிறது.
புற்றுநோய் பாதித்த முதியோரும், புற்றுநோயில் மீண்டவர்களும் வாரத்திற்கு 150 நிமிடம் மிதமான தீவிரத்தை கொண்ட உடற்பயிற்சி மேற்கொள்வது நல்லது. மாக்மில்லன் அறிக்கைப்படி பிரிட்டனில் 20 லட்சம் புற்றுநோயாளிகள் உள்ளனர்.
இதில் 16 லட்சம் பேர் தீவிரமாக உடற்பயிற்சி செயல்பாடு இல்லாதவர்களாக உள்ளனர். பலவிதமான புற்றுநோய் சிகிச்சைக்கு முன்னரும் சிகிச்சைக்கு பின்னரும் உடற்பயிற்சி அவசியம் என விளையாட்டு மருத்துவத்திற்கான அமெரிக்க கல்லூரியும் வலியுறுத்துகிறது.
இதன் பரிந்துரையும் மாக்மில்லன் அறிக்கையில் சுட்டிக் காட்டப்பட்டுள்ளது. உடற்பயிற்சி மேற்கொள்வதால் புற்றுநோய் சிகிச்சைக்கு பின்னர் சோர்வை தராது, புத்துணர்ச்சியை தரும் என வலியுறுத்தப்பட்டு உள்ளது.
புற்றுநோயில் வேகமாக மீள்வதற்கு உடற்பயிற்சி அவசியம் என மாக்மில்லன் புற்றுநோய் தலைமை நிர்வாகி கிளாரன் தேவனே கூறுகிறார்.

தினமும் 15 நிமிடம் உடற்பயிற்சி செய்வது ஆயுட்காலத்தை மூன்று ஆண்டுகள் அதிகரிக்கும்: ஆய்வில் தகவல்!!!!

தினமும் 15 நிமிடம் உடற்பயிற்சி செய்து வந்தால் ஆயுட்காலத்தில் 3 ஆண்டுகள் அதிகரிக்கும் என ஆராய்ச்சியில் தெரியவந்துள்ளது.
தினமும் 30 நிமிடம் பயிற்சி செய்வது உடல் ஆரோக்கியத்திற்கு நல்லது என பிரிட்டனில் பரிந்துரைக்கப்பட்டுள்ளது.
தினமும் 6 மணி நேரம் தொலைக்காட்சி முன்பாக அமர்ந்து படம் மற்றும் நிகழ்ச்சிகளை பார்ப்பதால் ஆயுட்காலத்தில் 5 ஆண்டுகள் குறைகின்றன என்று பிரிட்டிஷ் பத்திரிக்கை இதழில் தெரிவிக்கப்பட்டுள்ளது.
வாரத்தில் 150 நிமிடம் உடற்பயிற்சி மேற்கொள்ள வேண்டும் என பிரிட்டிஷ் அரசு சமீபத்தில் பயிற்சி ஆலோசனையை அறிவித்து இருந்தது.
15 நிமிடத்திற்கு மேல் தினமும் கூடுதல் நேரம் உடற்பயிற்சி செய்யும் போது மரண காரணிகள் அபாயத்தை மேலும் நான்கு சதவீதம் குறைக்கும் என தைவான் தேசிய சுகாதார ஆராய்ச்சி நிறுவனம் மற்றும் சீனா மருத்துவ பல்கலைகழகம் கண்டறிந்துள்ளன. தைவான் ஆராய்ச்சி முடிவுகள் லான்செட் இதழில் வெளியாகியுள்ளது.
அவுஸ்திரேலிய ஆராய்ச்சி முடிவுப்படி நீண்ட நேரம் தொலைக்காட்சி முன்பாக உட்கார்ந்து இருந்தால் ஆயுட்காலம் குறையும் என எச்சரித்து உள்ளது. சிறு உடல் அசைவுப் பயிற்சிகள் அவசியம் என மேலும் அறிவுறுத்தியுள்ளது.

புற்றுநோய்க்கு மருந்தாகும் குங்குமப் பூ!!!

கல்லீரல் புற்றுநோயைக் கட்டுப்படுத்துவதற்கு குங்குமப்பூ உதவும் என ஆராய்ச்சியில் தெரியவந்துள்ளது.
ஐக்கிய அரபு குடியரசு பல்கலைக்கழகத்தைச் சேர்ந்த பேராசிரியர் அமின் தலைமையிலான குழுவினர் கல்லீரல் புற்றுநோயை கட்டுப்படுத்துவது குறித்து ஆராய்ச்சியில் ஈடுபட்டனர்.
எலியைக் கொண்டு சோதனை மேற்கொண்டனர். ஆய்வுக்கு உட்படுத்தப்பட்ட எலிகளுக்கு 2 வாரங்களுக்கு தினமும் குங்குமப் பூவை வெவ்வேறு அளவுகளில் கொடுத்து வந்தனர்.
பின்னர் செயற்கையாக கல்லீரல் புற்றுநோயை உருவாக்குவதற்கான டைஎத்தில் நைட்ரோசமைன்(டென்) என்ற மருந்தை செலுத்தினர். 22 வாரங்கள் கழித்து பரிசோதனை செய்ததில் அதிக அளவில் குங்குமப் பூ கொடுக்கப்பட்ட எலிகளுக்கு குறைவாக கொடுக்கப்பட்ட எலிகளைவிட புற்றுநோய் செல்களின் வளர்ச்சி குறைவாக காணப்பட்டது.
இதன் மூலம் குங்குமப் பூ கல்லீரல் புற்றுநோயை கட்டுப்படுத்தும் என உறுதி செய்தனர்.
உணவுப் பொருட்களுக்கு ஆரஞ்ச் வண்ணம் கொடுப்பதற்காக குங்குமப் பூ பயன்படுத்தப்படுகிறது. நோய் எதிர்ப்பு சக்தி கொண்ட இது கல்லீரல் புற்றுநோய்க்கு காரணமாக செல்களை அழிக்கிறது அல்லது வளர்வதைக் கட்டுப்படுத்துகிறது என அமின் தெரிவித்தார்.

திருமணமான பெண்களுக்கு உடல் பருமன் அதிகரிக்கும்: ஆய்வில் தகவல்!!!

திருமணமான பெண்கள், விவாகரத்தான ஆண்களின் உடல் பருமன் விரைவில் அதிகமாகிறது. அதிலும் இடுப்பு பகுதியில் தான் அதிகம் சதை போடுகிறது என்கிறது சமீபத்திய ஆய்வு.
உடல் பருமனால் உலகம் முழுவதும் ஏராளமானவர்கள் அவதிப்படுகின்றனர். இதுதொடர்பாக பல்வேறு ஆராய்ச்சிகள் நடந்து வருகின்றன.
அமெரிக்காவின் ஒஹியோ மாநில பல்கலைக்கழக ஆராய்ச்சியாளர்கள் டிமித்ரி ட்யுமின் தலைமையில் உடல் பருமன் குறித்து சமீபத்தில் விரிவான ஆய்வு மேற்கொண்டனர்.
1986ம் ஆண்டு முதல் 2008ம் ஆண்டு வரை 10 ஆயிரத்துக்கும் அதிகமான ஆண், பெண்களிடம் இருந்து பெறப்பட்ட தகவல்களின் அடிப்படையில் இந்த ஆராய்ச்சி நடந்தது.
ஆய்வு ரிப்போர்ட்டில் கூறப்பட்டுள்ளதாவது: பெண்கள் திருமணத்துக்கு பிறகும், ஆண்கள் விவாகரத்து ஆன பிறகும் உடல் எடை விறுவிறுவென அதிகமாகிறது. இதில் பெரும்பாலானவர்கள் 30 வயதை கடந்தவர்கள்.
பெரும்பாலும் இடுப்பு பகுதியில் தான் அதிகம் சதை போடுகிறது. இந்த நிலை 50 வயது வரை நீடிக்கிறது. திருமணம் ஆன 2 ஆண்டுகள் வரை அல்லது விவாகரத்தான 2 ஆண்டுகள் வரை இத்தகைய மாற்றம் ஏற்பட்டிருக்கிறது. திருமணம் ஆகாதவர்களைவிட திருமணம் ஆனவர்கள் குண்டாகும் வாய்ப்பு அதிகம்.

உலகில் உள்ள உயிரினங்களின் எண்ணிக்கை 87 லட்சத்து 40 ஆயிரம்: ஆய்வாளர்கள் தகவல்!!!

பூமியில் மனிதர்களை தவிர 87 லட்சம் உயிரின வகைகள் வாழ்கின்றன. இந்த உயிரினங்களில் பெரும்பாலான எண்ணிக்கையில் இருப்பது விலங்குகள் ஆகும்.
உலகில் இன்னும் 14 சதவீத உயிரின வகைகளை கண்டுபிடிக்கவில்லை. இதில் 9 சதவீத உயிரினங்கள் கடல் நீரில் வாழ்கின்றன.
கண்டுபிடிக்கப்படாத உயிரின வகைகளை கண்டறிவதற்கு இன்னும் ஆயிரம் ஆண்டுகள் ஆகலாம். உயிரின வகைளில் பூஞ்சை, தாவரங்கள், ஒற்றை செல் உயிரினமான புரோட்டோ சோவா, குரோமி உள்ளிட்ட ஆல்கேக்கள் உள்ளன. குடும்ப மர வகைகள் மற்றும் உயிரினத்தை ஆய்வு செய்த போது உலக உயிரின வகை விவரம் தெரியவந்தது.
பிஎல்ஓ உயிரியல் இதழில் உயிரின வகை ஆய்வு கட்டுரை வெளியாகி உள்ளது. பல உயிரினங்கள் கண்டுபிடிப்பற்கு முன்னர் அழியும் அபாயத்தில் இருப்பதாகவும் ஆராய்ச்சியாளர்கள் எச்சரித்துள்ளனர்.
இந்த ஆய்வு விவரத்தை மேற்கொண்ட விஞ்ஞானிகளில் ஒருவரான ஐநா சுற்றுச்சூழல் உலக பாதுகாப்பு கண்காணிப்பு மையத்தன் ஆய்வாளர் டொக்டர் டிடேன்சர் தொவித்தார். கேம்பிரிட்ஜ் மைக்ரோ சாப்ட் ஆராய்ச்சி மற்றும் கனடாவின் டால்ஹவுஸ்லே பல்கலைகழகம், ஹவாய் பல்கலைகழகம் ஆகியவற்றின் ஆய்வாளர்கள் மேற்கொண்ட ஆய்வில் இந்த உயிரின வகை விவரங்கள் தெரியவந்துள்ளன.
பூமியில் தற்போது 12 லட்சம் உயிரினங்கள் முறைப்படி வரையறுக்கப்பட்டுள்ளன. இதில் கடல் உயிரினங்களை காட்டிலும் நில உயிரினங்கள் அதிகம் வகைப்படுத்தப்பட்டுள்ளன.
உலகில் 77 லட்சத்து 77 ஆயிரம் விலங்குகள் உள்ளன. 61 ஆயிரம் பூஞ்சைகள் உள்ளன. 30 ஆயிரம் தாவரங்கள் உள்ளன. புரோட்டோசோவா உயிரினங்கள் 40 ஆயிரம் உள்ளன என தெரியவந்துள்ளது.

தினமும் உபயோகிக்கும் ரசாயன பொருட்களால் உடல் பருமன் அதிகரிக்கும்: ஆய்வில் தகவல்!!

தொடர் உணவு கட்டுப்பாடு, உடற்பயிற்சி இரண்டும் உடல் எடையை குறைக்க மேற்கொள்ளப்படும் முக்கியமான வழிமுறைகள்.
உடல் பருமனுக்கு இவை மட்டுமே காரணம் என்பது பரவலான கருத்து. இதையும் தாண்டி மற்றொரு விஷயமும் இருக்கிறது என்கின்றனர் நியூயார்க் மவுன்ட் சினாய் மருத்துவக்கழக ஆராய்ச்சியாளர்கள்.
பிலிப் லேன்ட்ரிகன் தலைமையில் ஒரு ஆய்வு மேற்கொள்ளப்பட்டது. நாம் அன்றாடம் பயன்படுத்தும் குளியல் சோப்பு, ஷாம்பு மற்றும் பாடி லோஷன்கள் போன்ற அழகுசாதன பொருட்களில் உள்ள ரசாயன கலப்பு உடல் பருமனை அதிகரிப்பது கண்டறியப்பட்டுள்ளது.
ஆய்வுக்காக நியூயார்க் இன்னர் சிட்டி பகுதியில் உள்ள ஏராளமான குழந்தைகள் மற்றும் பெரியவர்களிடம் இருந்து அவர்கள் அன்றாடம் பயன்படுத்தும் சோப்பு மற்றும் இதர பொருட்கள் குறித்த தகவல்கள் பெறப்பட்டு ஆய்வுக்கு உட்படுத்தப்பட்டனர்.
அவர்களின் சிறுநீர் அன்றாட ஆய்வுக்கு உட்படுத்தப்பட்டு கண்காணிக்கப்பட்டது. அதிக ரசாயன கலப்பு கொண்ட சோப்பு, ஷாம்பு போன்ற அழகுசாதனப் பொருட்கள் பயன்படுத்துவோருக்கு சிறுநீரில் அதிக அளவு  "பிதலாடஸ்" ரசாயன மூலப்பொருள் இருந்தது தெரியவந்தது.
உடல்வாகுக்கு ஏற்பவும் ரசாயன கலப்பு பயன்பாட்டை பொருத்தும் உடல் பருமன் ஏற்பட்டது தெரியவந்தது. உடல்பருமனுக்கு ஏற்ப பிதலாடசின் அளவு இருந்தது. இது உடல் பருமனுக்கு காரணமானது என்பது இதன் மூலம் நிரூபணமாகி உள்ளது.
2007-ம் ஆண்டு அமெரிக்காவில் உள்ள ரோசெஸ்டர் மருத்துவ பல்கலைக்கழக ஆராய்ச்சியாளர்கள் சிலர் 1,451 பேரிடம் ரத்த மற்றும் சிறுநீர் பரிசோதனை செய்து ஆண்களின் தொப்பை மற்றும் நீரிழிவு நோய்க்கு ரசாயன பொருட்கள் காரணமாக இருப்பதை கண்டறிந்தனர்.
மவுன்ட் சினாய் மருத்துவக்கழக ஆய்வு தகவல்கள் வருமாறு: பெரும்பாலான ரசாயனங்களில் பிதலாடஸ் என்ற மூலப்பொருள் 70 சதவீதம் உள்ளது. இவை அடர்த்திக்காகவும் கொழகொழப்புக்காகவும் சேர்க்கப்படுகிறது.
இந்த வகை ரசாயனங்கள்தான் சோப்பு, ஷாம்பு, அழகுசாதன பொருட்களில் பெருமளவில் பயன்படுத்தப்பட்டு வருகிறது. வீட்டை சுத்தம் செய்ய பயன்படுத்தப்படும் பல்வேறு பொருட்களிலும் இந்த ரசாயனத்தின் பயன்பாடு அதிகம்.
பிளாஸ்டிக் பாட்டில்கள் தயாரிப்பிலும் இந்த ரசாயனத்தின் பயன்பாடு உள்ளது. பிளாஸ்டிக் பொருட்களில் பிஸ்பினால்-ஏ(பிபிஏ) என்ற ரசாயன மூலப்பொருளும் அதிகம் உள்ளது. இந்த இரண்டுமே உடலுக்கு தீங்கு விளைவிக்கும் என்பது ஆய்வில் உறுதியாகி உள்ளது.
முக்கியமாக இவை உடல் எடையில் பாதிப்பை ஏற்படுத்துகிறது. இவற்றை தொடர்ந்து பயன்படுத்துவது, குழந்தைகளிடையே உடல் பருமன் பாதிப்பை விரைவில் ஏற்படுத்துகிறது. சுரப்பிகளின் செயல்பாடுகளை பாதிக்கும் இவை "என்டோக்ரைன் டிஸ்ட்ரப்டர்ஸ்" எனப்படும்.

தினமும் 15 நிமிடம் சிரிப்பது உடல் நலத்திற்கு நல்லது: ஆய்வில் தகவல்

"வாய் விட்டு சிரித்தால் நோய் விட்டு போகும்" என்பது பழமொழி. மன அழுத்தமே பெரும்பாலான நோய்களுக்கு காரணமாக உள்ளது.
அதாவது, மன அழுத்தம் உடையவர்கள் ஆல்கஹால், போதை மருந்து மற்றும் சிகரெட் புகைத்தல் போன்ற கெட்ட பழக்கவழக்கத்துக்கு ஆளாகின்றனர். அதுவே அவர்களுக்கு மிக கொடிய நோய்களை ஏற்படுத்துகிறது.
எனவே மன அழுத்தம் உள்ளவர்கள் அதுபோன்ற கெட்ட பழக்கத்தை விட்டு தினமும் 15 நிமிடம் சிரித்தாலே போதும். உடல் நலம் மேம்படும். அவர்களை நோய் அண்டாது என இருதய நோய் நிபுணர்கள் தெரிவித்துள்ளனர்.
வாய்விட்டு சிரிப்பது தான் நல்லது. வாய்க்குள்ளேயே சிரிக்கும் நமட்டு சிரிப்பும், மூச்சு வாங்க சிரிக்கும் சிரிப்பும் உடல் நலத்துக்கு கேடானது என ஆராய்ச்சியாளர்கள் கூறியுள்ளனர்.
நாள் ஒன்றுக்கு ஒரு குழந்தை 300 முதல் 400 தடவை சிரிக்கிறது. பெரியவர்கள் 15 தடவை சிரிக்கின்றனர் என்றும் அவர்கள் தெரிவித்துள்ளனர்

உடற்பயிற்சி செய்வதை விட சொக்லேட் சாப்பிடுவது நல்லது: விஞ்ஞானிகள் தகவல்!!!

உடற்பயிற்சி செய்வதை விட சொக்லேட் சாப்பிடுவது நல்லது என விஞ்ஞானிகள் கண்டுபிடித்துள்ளனர்.
இந்த ஆய்வில் சொக்லேட்டில் காணப்படும் mitochondria என்ற மூலப்பொருளில் தசைநார்களின் செயற்பாட்டைத் தூண்டக்கூடிய தன்மை உள்ளதாக விஞ்ஞானிகள் கண்டுபிடித்துள்ளனர்.
இது அதிகளவில் காணப்பட்டால் அதிக சக்தியையும் உற்பத்தியாக்கும் என ஆய்வாளர்கள் தெரிவித்துள்ளனர்.
ஓடுதல் மற்றும் சைக்கிளோடுதல் போன்ற உடற்பயிற்சிகளின் போது அதிகரிக்கப்படும் மூலப்பொருளும் இதுவாகத் தான் இருக்கிறது.
15 நாட்களிற்கு நாளாந்தம் இருமுறை கொக்கோவிலிருந்து எடுக்கப்பட்ட இந்த மூலப்பொருள் எலிகளிற்குக் கொடுக்கப்பட்டுப் பரீட்சித்துப் பார்க்கப்பட்டது.
இதேவேளை சிலவற்றை ஒவ்வொரு நாளும் 30 நிமிடங்களுக்கு உடற்பயிற்சி இயந்திரத்தில் விட்டுப்பார்த்துள்ளனர். இதன் மூலம் இரண்டிலும் பெறப்பட்ட சக்தி வகைகளும் ஒத்தவையாகவே காணப்பட்டன

தொடர்ந்து உடற்பயிற்சி செய்வதால் எலும்புகள் உருவாகுகின்றன: ஆய்வில் தகவல்!!

தொடர்ந்து உடற்பயிற்சி செய்வதால் எலும்புகள் உருவாகின்றன என புதிய ஆய்வில் தெரியவந்துள்ளது.
உடற்பயிற்சி செய்வது உடலுக்கு நன்மை பயக்கும் என்ற பொதுவான கருத்து நிலவுகிறது. தற்போது இதனால் புதிய எலும்புகள் உருவாகுகின்றன என கண்டறியப்பட்டுள்ளது.
உடற்பயிற்சி செய்யாவிட்டால் உடலில் தேவையற்ற கொழுப்பு ஏற்பட்டு நோய் ஏற்படுகிறது. அதே நேரத்தில் உடற்பயிற்சி செய்வதால் சக்தி வாய்ந்த ஸ்டெம் செல்களில் உடனடி மாற்றம் நிகழ்ந்து அவை எலும்பாக மாறுகிறது.
இதற்கான ஆய்வை அமெரிக்காவில் உள்ள மேக்மாஸ்டர் பல்கலைக்கழக ஆராய்ச்சியாளர்கள் எலியின் மூலம் மேற்கொண்டனர். டிரெட்மில் என்ற உடற்பயிற்சி சாதனத்தின் மூலம் ஒரு எலிக்கு தொடர்ந்து உடற்பயிற்சி அளித்தனர்.
அந்த எலியின் உடலில் மாற்றம் ஏற்பட்டு எலும்பு உருவானது. அதே நேரத்தில் உடற்பயிற்சியில் ஈடுபடுத்தாத எலிகளின் உடலில் எலும்புக்கு பதிலாக கூடுதல் கொழுப்பு ஏற்பட்டிருந்தது. இதன் மூலம் தொடர்ந்து செய்யும் உடற்பயிற்சி உடலில் புதிய எலும்பை உருவாக்குவதாக விஞ்ஞானிகள் தெரிவித்துள்ளனர்.

25 கோடி ஆண்டுகளுக்கு முன்பே தோன்றிய சுனாமி: ஆய்வாளர்கள் தகவல்!!

இந்திய பெருங்கடல் தோன்றுவதற்கு முன்பு பல கடல்கள் ஒன்றாக இருந்த நேரத்தில் காஷ்மீர் பகுதியில் சுனாமி ஏற்பட்டதற்கான ஆதாரங்கள் கிடைத்துள்ளது என  ஆய்வாளர்கள் தெரிவித்துள்ளனர்.
நில அமைப்புகள், புவியியல் மாற்றங்கள், சுனாமி ஆகியவை தொடர்பாக அமெரிக்காவின் மசாசூசட்ஸ் பல்கலைக்கழக பேராசிரியர் மைக்கேல் ப்ரூக்பீல்டு ஆராய்ச்சி செய்து வருகிறார்.
ஸ்ரீநகரில் உள்ள காஷ்மீர் பல்கலைக்கழகத்தின் புவியியல், புவி இயற்பியல், புவி தகவலியல் துறைகள் சார்பில் அவரது சிறப்புரை நிகழ்ச்சி நடத்தப்பட்டது.
அதில் அவர் தெரிவித்த தகவல்கள்: பல கோடி ஆண்டுகளுக்கு முன்பு கண்டங்கள் தற்போது இருப்பது போல பல பிரிவுகளாக இல்லை. 20 கோடி ஆண்டுகளுக்கு முந்தைய டிரயாசிக் காலத்தின் போது லாரேசியா, கோண்ட்வானா என இரு பிரிவுகள் மட்டுமே இருந்தன.
டேதிஸ் கடலால் அவை இரண்டாக பிரிக்கப்பட்டிருந்தன. 25 கோடி ஆண்டுகளுக்கு முன்பு இந்த டேதிஸ் கடலில் இருந்து எழுந்த ஆழிப் பேரலை, குரியுல் கணவாய் பகுதியை பயங்கரமாக தாக்கியுள்ளது. இப்பகுதி தற்போது காஷ்மீரில் இருக்கிறது. டேதிஸ் கடல்தான் பின்னர் பலவிதமாக உருமாறி இந்திய பெருங்கடலாக மாறியது.
காஷ்மீரின் குரியுல் பள்ளத்தாக்கு பகுதியில் பல்வேறு விதமான படிமங்கள் கிடைத்துள்ளன. உலகின் பல பகுதிகளை சேர்ந்த தொல்லியல் துறை ஆராய்ச்சியாளர்களும் இங்கு ஆய்வு நடத்தி வருகின்றனர். 25 கோடி ஆண்டுகளுக்கு முன்பு சுனாமி வந்ததற்கான படிம ஆதாரங்களும் கிடைத்திருக்கின்றன. இதுதொடர்பாக மேலும் ஆய்வுகள் நடத்த வேண்டும் என்று தெரிவித்தார்.

மூளைக் கோளாறுக்கு அருமருந்தாகும் சிரிப்பு: ஆய்வுத் தகவல்!!

சிரிப்பு தான் உலகின் சிறந்த மருந்து என்பது நமக்குத் தெரிந்தது தான். ஆனால் சமீபத்திய ஆய்வு ஒன்று மூளைக் கோளாறால் பாதிக்கப்பட்டவர்களுக்கு சிரிப்பு அருமருந்தாகப் பயன்படுவதாகத் தெரிவித்துள்ளது.
பிரிட்டன் தலைநகர் லண்டனில் உள்ள 36 மருத்துவமனைகள் மற்றும் 400 வீடுகளில் கடந்த மூன்றாண்டுகளாக வயதானோரிடையே ஓர் ஆய்வு நடத்தப்பட்டது.
நியூ சவுத் வேல்ஸ் பல்கலைக்கழகத்தின் ஆய்வாளர்கள் நடத்திய இதில் விளையாட்டுகள், நகைச்சுவை மற்றும் பாடல்கள் ஆகியவை பயன்படுத்தப்பட்டன.
ஆய்வாளர்கள் தினசரி மருத்துவமனைகள் மற்றும் வீடுகளுக்குச் சென்று வயதானோருடன் பேசி சிறிது நேரம் இருப்பர். அப்போது விளையாட்டு, நகைச்சுவை போன்றவற்றை அவர்களுடன் பகிர்ந்து கொள்வர்.
இந்த ஆய்வில் 200 வீடுகளில் உள்ள வயதானோரைச் சந்திக்கும் ஆய்வாளர்கள், விளையாட்டு போன்ற எதையுமே பயன்படுத்தாமல் வெறுமனே பேசி விட்டு வந்து விடுவர்.
ஆய்வின் இறுதியில் வயதானோர் குறிப்பாக பல்வேறு நோய்களால் மூளைக் கோளாறு ஏற்பட்டு அதனால் பாதிக்கப்பட்டோர், விளையாட்டு, நகைச்சுவை போன்றவற்றால் மூளைக் கோளாறின் பாதிப்பில் இருந்து 20 சதவீதம் விடுபட்டது தெரியவந்தது.